He maha ngā kaupapa ako reo, engari kāore i maha ngā kaupapa e aro nui ana ki ngā mātua o ngā tamariki e hiahia ana ki te ako i te reo Māori hei tautoko i ā rātou tamariki i te kura. Ko te Kura Whānau Reo tētahi o aua kaupapa kua whakatūria e Te Ataarangi i ngā tau tata nei kia tokomaha ake ngā whānau e hiahia ana kia noho rātou hei whānau reo Māori. Ko te kaupapa matua o tēnei rangahau ko ngā whakakitenga a ngā kaiako, kua kïia nei he pouārahi reo, me ā rātou mahi tahi ki ngā whānau e ako ana i te reo Māori hei reo tuarua. Tekau mā rua ngā tāngata i uiuitia. Tokowaru he wāhine, tokowhā he tāne. Ka kōrerohia ngā piki me ngā heke o ngā whānau e uru mai nei ki te kaupapa o te Kura Whānau Reo. Ko tētahi o ngā hua kua puta mai, ko te mōhio ki ngā rautaki kua whakamahia e ngā whānau e ako reo rua ana ki ngā hapori huri noa i Te-Ika-a-Māui.