Kei te puta te tokomaha o ngāi raukura (ngā tauira o mua o te Kura Kaupapa Māori) ki ngā whare wānanga puta noa i te ao, heoi anō, he ruarua noa ngā tuhinga reo Māori e arotake ana i te Kaupapa Māori. E mātai ana tēnei tuhinga i te ahunga mai o te Kura Kaupapa Māori hei tauranga ātete i ngā tāmitanga a tauiwi. He kōrero tēnei mō te ariā Kaupapa Māori (mā ngā tauira whare wānanga): he tautoko i te putanga o te tuhinga taiea, te tuhinga i āta rangahaua, te tuhinga arohaehae, te tuhinga reo Māori. Ko te tikanga ia, ka puta he tuhinga mō ngā kaupapa huhua, engari ka taka te tuhinga nei i te whakaaro mō te mātātuhi wewete mō ngā raukura.

Ko Te Aho Matua (2008) te tūāpapa o ngā kura kaupapa Māori o Aotearoa. Ko tā tēnei tuhinga, he tirotiro i ngā mahi a ngā manu tāiko hei whakatū i ngā kura kaupapa Māori. Kei tēnei pepa hoki he whakamāramatanga e pā ana ki te take mō te tuhinga o Te Aho Matua. Ko tōna tikanga, he tautake Te Aho Matua e whakakotahi ana i ngā kura kaupapa Māori e whakaū ana ki te whakarauora i te reo Māori me te whakatairanga i ngā tikanga Māori. Kei Te Aho Matua ngā aratohu kaupapa here mā ngā whānau me ngā pouako hei whakahaere i te kura mō ngā tamariki tau 1–8.